Утре сабајле според планот треба да полета авионот на Визер за Лондон-Лутон аеродромот, но по новиот вид на корона вирус откриен на Британскиот Остров и по забраните за сообраќај кон Обединетото Кралство и Македонија го дигна знакот стоп за патниците и за авионите оттаму. Комисијата за заразни болести поради првично утврдената лесна преносливост на новиот сој на корона вирусот како превентивна мерка препорача затворање кон Британија, мерки што се однесоа и во соседните држави и во цела Европа.
Државата ги презема сите мерки за побрзо вакцинирање и нема доцнење при набавката тврди премиерот. Покрај Грција и Бугарија понудила дел од своите дози да ги пренасочи кон Македонија. Државата досега потпиша преку Ковакс механизмот набавка на 833 илјади вакцини, што е доволно за околу 400 илјади граѓани, а плановите се вакцините да стигнат во март. Се водат и преговори за директна набавка, иако за тоа треба да пресече бирото за јавни набавки поради законските пречки.
Србија пак најави дека до Нова Година ќе почне со вакцинирање, но Заев смета дека на целиот западен Балкан вакцинацијата че се одвива координирано и истовремено и дека државата се бори за побрза набавка со сите сили, иако првите вакцини се планирани дури за март- 4 месеци откако почна вакцинирањето во Британија.
Миомир Серафиновиќ