Објектот во кој се наоѓаше познатото кабаре „Пулс“ во Кочани, од првично наменет за лесна индустрија, бил пренаменет во угостителски објект преку реконструкција изведена без градежна дозвола.
Како што открива емисијата КОД, адаптацијата е направена на диво, со користење на материјали кои не ги исполнуваат стандардите за противпожарна заштита, што дополнително го зголемува ризикот по безбедноста на посетителите.
Во вечерашната емисија се отвора и тема за сомнежи за лажно купување на пензиски стаж, каде што неколку случаи веќе се предмет на истрага од надлежните институции. Се разгледува и прашањето колку системот дозволува вакви злоупотреби и какви последици имаат тие врз пензискиот фонд и правата на граѓаните.
Дополнително, КОД алармира за институционален ризик – Народниот правобранител, клучната институција за заштита на човековите права во земјата, се соочува со сериозна криза.
Емисијата е веднаш по вечерните вести на Телма.