Денес попладне избувна пожар во населбата ГеГе, кој се прошири кон дворот на Психијатриската болница Бардовци. Пожарот зафати дел од обрасната површина со сува трева и дрвја, претставувајќи сериозна закана за болничкиот комплекс, информираат од ЦУК.
Од таму додаваат дека била извршена навремена евакуација на пациентите и персоналот, кои се преместени на безбедно.
На терен интервенирале екипи од Бригадата за противпожарна заштита, во координација со Центарот за управување со кризи (ЦУК) и Хеликоптерската единица на МВР.
Пожарот е ставен под контрола, а воздушна поддршка засега не е потребна.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.