Георгеску се повлекува од политичкиот живот во Романија

Екстремно десничарскиот кандидат Калин Георгеску, кој водеше по првиот круг на поништените претседателски избори во Романија лани, се повлекува од политичкиот живот. Одлуката ја соопшти по еден ден од заклетвата што ја положи новиот романски претседател, Никушор Дан.

Георгеску беше во водство по првиот круг на ланските претседателски избори во Романија. Уставниот суд во земјата подоцна ги поништи резултатите, по наводите за изборни нерегуларности и руско мешање во процес, што Москва го негираше. Покрај тоа, на Георгеску му беше забрането да се кандидира за шеф на државата при прегласувањето.