Европската Унија (ЕУ) најави последици за оние кои ќе присуствуваат на 9 мај во Москва, на Денот на победата, изјави шефицата на европската дипломатија, Каја Калас.
„Многу министри рекоа дека ЕУ сериозно го сфаќа патувањето во Москва на прославата на 9 мај. Оние кои ќе одат, ќе сносат последници“, изјави Калас на прес-конференција во Луксембург, по состанокот на министрите за надворешни работи на ЕУ.
Калас посебно нагласи дека Европската Унија бара ниту една земја-кандидат за членство во блокот не учествува на одбележувањето на 80-годишнината на Победата во Москва.
„Тоа јасно им ставивме до знаење“, додаде таа.
Запрашана од украинските новинари, дали лидерите на ЕУ планираат да отпатуваатво Киев на 9 мај, одговори дека апелира до претставниците на сите држави „што повеќе да одат во Украина за да ја изразат европската поддршка“. Нагласи и оти Брисел повикува таквите посети да бидат со конкретни ветувања за воена помош.