Вести Македонија Топ вести

Пратениците си го намалија коефициентот за плата

Пратениците си го намалија коефициентот за плата од 3,04 на 2,69 и од 3,92 на 3,47. Но, тоа не значи дека платата ќе им се намали, туку дека нема драстично да им се покачи. Надлежната собраниска комисија денеска утврди коефициент, со кој, како што велат, ќе се обидат да го спречат непропорционалниот раст на функционерските плати.

Платата на функционерите се пресметува така што просечната годишна плата од претходната година се множи со коефициент кој варира според сложеноста на работното место. Но, ваквиот начин, предизвикува енормно зголемување на функционерските плати и јаз меѓу нивните и платите на сите останати во државата, поради што беа предложени и измени на законот.

„За„ гласаа сите членови на комисијата, а никој не се јави за дискусија. Новите коефициенти ќе почнат да се применуваат веќе од следниот месец.

Платите на функционерите скокнаа за 78 проценти оо одлуката на Уставниот суд да ја укине двојната основица за пресметка. Ова предизвика огромно незадоволство кај граѓаните, работниците и синдикалните организации кои организираа повеќе протести, по што, минатата пролет на сличен начин беше зауздан растот на месечните примања на носителите на јавни функции.

Без намалување на коефициентите, платите на функционерите од овој месец требаше да скокнат за 130 до 330 евра. Но, и со намалувањето, поради растот на просечната плата, нивните плати ќе се покачат, иако тоа нема да биде драстично и ќе се движи од три до шест илјади денари.

Далиборка Демјанска Цветановска

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Зошто е откажано појавувањето на Тошковски во реновираните Управни служби на МВР?

Дејан Дејан

Пораснаа девизните резерви на Кина

Дејан Дејан

Поранешен министер за информатичко општество предлог за нов министер за здравство

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе