Судот во Велес го прифати предлогот на јавен обвинител и определи притвор за велешанец за семејно насилство врз неговата мајка. Мерката е изречена бидејќи, како што стои во соопштението на Јавното обвинителство, обвинетиот живее во истата семејна заедница со жртвата и има можност за повторување на делото, но и заради постоење на околности кои укажувбаат дека би можел да се даде во бегство.
„На 17 јуни, по вербална расправија во домот, обвинетиот ја удрил мајка му со бокс во главата, па започнал да ја дави, нанесувајќи и телесни повреди – хематоми. Зел нож од кујната со кој и се заканил дека ќе ја убие. На 19 јуни побарал од мајката да му даде пари. Откако му рекла дека нема, повторно со нож и се заканил дека ќе ја убие, со што кај неа предизвикал вознемиреност и страв“, се наведува во соопштението на Јавното обвинителство.