Техничка влада, доекипирање на ДИК, претседателски и парламентарни избори се предизвиците кои не` очекуваат идната година. Премиерот, кој се очекува уште во јануари да си даде оставка, во предновогодишното обраќање уверува дека платите и пензиите ќе продолжат да растат и следната година, а ќе се работи и на забрзување на европскиот пат на државата.
Претседателот на Собранието, кој за еден месец ќе седне во фотељата на Ковачевски, посака новата година да биде книга чии страници ќе бидат испишани со убави работи и позитивни дела.
За министерот за надворешни работи, пак, и следната година најголем предизвик се уставните измени.
Опозицијата денеска се воздржа од честитки и повторно упати критики за работењето на владата и лошата состојба во судството.
Далиборка Демјанска Цветановска