Заеднички изборни листи се се` уште отворена тема меѓу владините партнери. Во Алијанса за Албанците анализираат и разговараат со СДСМ и ДУИ, го консултираат и членството, но иако не го затвораат прашањето, претседателот на партијата, Арбен Таравари засега е со став дека „во моментов е малку проблематично за нив како партија да бидат на една листа со ДУИ„.
Сепак, и тој синоќа, и министерот за правда денеска, оставија простор одлуката да ја донесат партиските тела.
Од СДСМ и ДУИ се убедени дека во Алијанса за Албанците на крај ќе се предомислат.Во секој случај, подготвуваат предизборна коалиција наречена Европски фронт.
Груби очекува деновиве да се прецизира датумот на изборите, за кои е веќе извесно дека ќе бидат споени. Тоа значи дека веќе на крајот на јануари, ќе имаме техничка влада предводена од премиер од ДУИ, чие име засега не се открива.
Далиборка Демјанска Цветановска