Независниот синдикат на здравствени работници и административниот персонал обвинува дека изминатите неколку дена се врши невиден мобинг врз здравствените работници, административно техничкиот персонал, медицинските сестри и докторите, од страна на работодавачите односно на директорите на Градските општи болници и Клиничкиот центар.
Како што велат секојдневно се соочуваат со закани и преместувања од едно на друго работно место.
Додаваат и дека од вработените покрај тоа што поседуваат картичка за евиденција се барало да се потпишуваат во тетратки во кои треба да наведат кога дошле на своето работно место и кога си заминале.
Од синдикатот информираат дека стојат зад вработените, а како дел од КСОМ на располагање им се ставени 58 адвокати кои на вработените кои се изложени на мобин им стојат на располагање за бесплатна правна помош.
