Почесна артилериска стрелба во касарната ,,Илинден“ по повод 8-ми Септември

По повод 8-ми Септември, Денот на независноста на Република Македонија, во касарната ,,Илинден“ во Скопје со почеток во 18.00 часот, ќе се изврши почесна артилериска стрелба со истрелување на 10 плотуни од шест артилериски орудија, од состав на артилерискиот баталјон на Армијата.

Претходно, во попладневните часови во период од 15.00 до 18.00 часот ќе биде извршена пробна артилериска стрелба со еден плотун од артилериските орудија, информираат од Генералштабот на Армијата.