Жирафата Каспер угинала од инфекцијата салмонела, дознава „Макфакс“. Според патохистолошката анализа од Факултетот за ветеринарна медицина констатирано е дека оваа инфекција била пронајдена во желудникот на жирафата, црниот дроб, слезината и цревата. Притоа, во цревата биле најдени и паразити.
Жирафата Каспер угина пред еден месец. Имаше 12 години, а во Скопје ЗОО беше жител од 2012 година. Ова е втора жирафа која пцовисува, откако претходната почина во 2014 година на три и пол години. Животниот век им изнесува 25 години.
Иако од Золошката градина во Скопје, кога ја објавија веста за смртта на Каспер, ветија дека јавно ќе ги објавата причините за угинувањето, до сега на нивната ФБ страница нема такви информации.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.