Полицијата во Дијарбакир објави снимки од безбедносна камера на земјотресот со јачина од 7,8 степени што го погоди градот пред една недела.
На снимката е фатен момент на уривање на зграда, додека бандерите на уличните светилки и семафорите се тресат, се слушаат експлозии на далноводи, а луѓето во паника бегаат од густиот облак на прав што се ослободи при уривање на станбениот објект.
Спасувачките екипи продолжуваат со мисијата за извлекување на луѓе од под урнатините, иако сè поретко пристигнуваат извештаи за спасени човечки животи. Од земјотресот мина една недела и надмината е границата на способност на човечкото тело да издржи без вода во услови на ниски температури.
Билансот на смртни случаи во Турција и во Сирија, по двата земјотреса во понеделникот, ја надмина бројката од 36.000.
