Ревијална трка со велосипеди, ролерки, тротинети и трка на родители со бебешки колички – Скопје утре под посебен сообраќаен режим

Центарот на македонскиот главен град утре од 17 до 18 часот ќе биде под посебен сообраќаен режим поради одржување на ревијална трка на велосипеди, ролерки, тротинети, детска и трка на родители со бебешки колички, соопшти СВР Скопје.

„Трката ќе почне од пред „Порта Македонија“, десно по должина на улица „Димитрие Чуповски“, десно по улица „Васил Главинов“, право по булевар „ВМРО“, лево по булевар „Илинден“ до крстосница со улица „Наум Наумовски Борче“ – Градски парк кај споменикот на Гоце Делчев“, информира СВР Скопје.

Секторот за внатрешни работи Скопје апелира до сите граѓани учесници во сообраќајот да се почитуваат наредбите кои ќе ги даваат полициските службеници по сообраќајниците каде што ќе се одвива настанот.