ЕСМ ги направи пресметките за новата цена на струјата за домаќинствата и малите потрошувачи и веќе доставени се до Владата. Ова за Телма го потврдија од компанијата. Според, досегашната пракса сега овие анализи на владина седница треба да се разгледуваат. Потоа, понудата за новата цена по која ЕСМ ќе ја продава својата струја на Универзалниот снабдувач во следниот период на 4 јуни ќе треба да ја достави на повикот на ЕВН ХОУМ.
Од Регулаторна претходно соопштија и дека МЕПСО и Електродистрибуција сега нема да доставуваат барања до нив, туку тоа ќе го направат во ноември.
Сепак, за тоа каква ќе биде цената на домаќинствата најмногу зависи од понудата на ЕСМ.
Според, информациите електрани успеале да ја намалат својата производната цена која надминуваше 100 евра за мегават час.
Од друга страна пак се произведува помалку заради појава на вишоци поради што МЕПСО доби дозвола да исклучува производители, а последно поради оваа појава се случи речиси цела Македонија да остане без електрична енергија повеќе од еден час.
Од тука се поставува прашањето дали може би овие два параметри ќе бидат доволни за да се направи некаква надолна корекција на цената на струјата. Сега, ЕСМ својата струја за домаќинствата и малите потрошувачи ја продава по 62 евра за мегават час. Дел од познавачите не очекуваат да има промени.
Ирена Чачкова