Седум повредени лица, тројца во критична состојба – пукање во парк во САД

Седум лица се ранети од кои три се наоѓаат во критична состојба по пукање во парк во предградието на Такома, Вашингтон, соопшти полицијата.

Полициските службеници затекнаа морничава глетка кога одговорија на повиците за истрели од огнено оружје регистрирани во паркот Хари Тод во Лејквуд, соопшти локалната полиција.

Досега никој не е уапсен. Повеќе од 100 луѓе биле во паркот во моментот на пукањето. Најновиот инцидент доаѓа по неколку дена од пукањето во парк во Филаделфија, пришто загинаа две лица, а девет беа ранети.