Во вечерашната Топ Тема дебатираат поранешен пратеник, Илија Димовски и новинарот Борјан Јовановски.
Димовски е на ставот дека за брзо време се примиле сигналите дека едностраниот пристап не бил прифатлив дури и во Брисел, што е некаква мала победа за македонската страна.
„Ѕидот којшто претходно беше кажуван дека не возможен разговор да се случи и можеби напукнува и тоа треба да биде наша борба. Благодарение на протоколите кои се потпишани едните од Бујар Османи другите од Никола Димитров кои не се солидни и не се прифатливи и се поголема е бројката на луѓе кои не ги прифаќаат, веројатно ги следите анкетите таа бројка кај македонскиот етнички сегмент веќе поминаа над 80 проценти“ вели Илија Димовски.
Тој посочи дека е умерен за волјата на Брисел за брзи или артикуларни решавања на Западниот Балкан како таков.
„Сепак треба да потсетам дека воопшто немаме некаков сериозен прогрес во смисла на реформите од највисоко ниво. Треба да бидеме малку реалисти јас не би сакал секоја посета индивидуална или партикуларна на европски високи официјални лица нас да не фаќа еуфорија“ додава Димовски.
Јовановски објаснува дека станува видлив процес за интегрирање на други земји во ЕУ една година по започнувањето на руската инвазија на Украина. Сепак го потенцираше фактот дека македонската влада ѝ да не прави многу за да го добие вниманието на Брисел.
„Не сум сигурен дека владата многу прави за да го добие вниманието од Брисел, мислам дека Брисел покажува поголема потреба и желба отколку ние го сакаме тоа. Во Брисел има една слика дека Македонија како да го губи компасот“ изјави Борјан Јовановски.