Унгарскиот парламент денеска треба да гласа за уставен амандман кој предвидува забрана на јавни собири на ЛГБТ+ заедницата, вклучително и Прајд парадите, што предизвика силни реакции кај здруженијата за човекови права и дел од меѓународната заедница.
Амандманот, поддржан од премиерот Виктор Орбан и партијата Фидес, ќе ѝ овозможи на државата употреба на технологија за препознавање лица за идентификација и евентуално санкционирање на учесниците.
Според владата, целта е „заштита на децата“, а амандманот ја потврдува уставната дефиниција на постоење на само два пола… Опозициската партија Моментум и активистите предупредуваат дека ова е опасен чекор кон авторитаризам и го споредуваат со политиките во Русија.
Илјадници граѓани протестираа изминатиот месец, а за денеска е најавено блокирање на зградата на парламентот.
Повеќе европски амбасади и ЕУ претставници ја осудија мерката, оценувајќи дека ја загрозува слободата на изразување и правото на мирен протест.
Здруженијата побараа ЕК итно да покрене постапка против Унгарија.