Јавен обвинител од Основното јавно обвинителство Скопје поднесе Обвинителен предлог против таткото на Васил Јованов, кој без возачка дозвола и со огромна брзина на булеварот „Партизански Одреди“ ја прегази Фросина Кулакова.
„Јавен обвинител обезбедил докази дека родителот на Васил две години му дозволувал без возачка да управува со возило „Пежо 207“, иако знаел дека синот не смее да управува со автомобил, бидејќи немал положено и е повеќекратен сторител на сообраќајни деликти, едно кривично дело – сообраќајна несреќа со полесни последици во ноември 2022 година, 11 сообраќајни прекршоци (возење без возачка дозвола, возење под дејство на алкохол, непочитување на семафор и на пешачки премин) во текот на 2023 и 2024 година, како и кривично дело – сообраќајна несреќа со смртни последици на 29.01.2025 година“, велат од Обвинителството.