Рускиот претседател Владимир Путин предложи Украина да биде ставена под привремена меѓународна администрација, која би организирала избори. Владата формирана по овие избори би имала легитимитет да преговара за мир ги потпише спогодбите за крај на војната.
„Би можело да се формира привремена администрација под надгледување на Обединетите нации, САД, европските земји и нашите партнери“, изјави рускиот претседател.
Управувањето на Украина го одредува нејзиниот Устав и народот на земјата, изјави портпаролот на Советот за национална безбедност на Белата куќа коментирајќи ги изјавите на рускиот претседател Владимир Путин, кој предложи воспоставување привремена администрација во Украина. Засега нема коментар од Украина во врска со изјавата на Путин.
