„Розов пикник“ на „Школка“ во Парк за подигнување на свеста во борбата против ракот на дојка

На „Школка“ во Градски парк се одржа „Розов пикник“, посветен на подигнување на свеста за борбата против ракот на дојка, во организација на здружението ЕЗРА. Целта е да се даде значајна поддршка на пациентите, нивните семејства и пријателите.

„Здружението ЕЗРА активно работи на подобрување на здравствената заштита и обезбедување на поддршка за пациентите. Нашата хумана мисија е водена од личните приказни кои нè поттикнуваат да бидеме гласни за правата на пациентите и да им помогнеме да не се чувствуваат сами во оваа тешка борба. Ова е повик да застанеме заедно, да го поддржиме животот, да бидеме силен глас за сите оние кои сега се соочуваат со оваа болест и да им помогнеме нивната приказна да успее“, велат од ЕЗРА.