Вести Македонија Топ вести

НБРМ: Цената на квадрат станбен простор во Скопје расте

Цената на квадратниот станбен простор во Скопје непрекинато расте, покажува анализата на Народната банка.

Според индексот на цени на станови, кој го изготви НБРМ, во второто тромесечје метар квадратен станбен простор поскапел за 8,2 отсто во споредба со првиот квартал, односно првите три месеци од годинава а поскапување од 11,5 проценти се бележи на годишно ниво.

Во првите три месеци од годинава, пак, цената на метар квадратен станбен простор поскапела за 4,7 проценти на годишно ниво но со намалување од 0,8 проценти споредено со цената заклучно со 2023 година.

Во моментот цените на квадрат станбен простор во Скопје, во зависност од локацијата и градбата, се движат од 1.300 до 2.500 евра

Во 2023 година поскапувањето на цената на квадратен метар во Скопје е 12,2 проценти на годишно ниво.

Според индексот на цени на Централната банка, каде референтна цена е земена 2010 година, во наредната декада се бележи намалување а поскапувањето почнува во 2020 година. Во последните четири години цената на квадратот е поскапена за 40 отсто споредено со 2010 година.

Државниот завод за статистика (ДЗС) во 2021 година спроведе попис кој покажа дека во Македонија секој трет стан стои празен односно ненаселен.

Бројките покажуваат дека од вкупно 839.000 станови, 531.000 или 63,4 проценти се населени, а 307.000 станови или 36,6 проценти се ненаселени.

Вкупната корисна површина на населените станови е 55, 2 милиони метри квадратни, а на ненаселените е 27, 8 милиони метри квадратни.

Во просек населените станови имаат по 103 метри квадратни, додека ненаселените во просек се по 90 метри квадратни.

По региони најмногу празни станови има во Југозападниот регион каде од вкупно 51.000 станови над половината се празни, а најмалку празни има во Скопскиот регион каде од 243.000 станови, 29 проценти се празни.

Огнен Чанчаревиќ

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

(ВИДЕО/ФОТО) Изгаснат пожар во Лисиче. Можел да зафати и куќи

Дејан Дејан

Триесет членови, 24 министерства и седум потпретседатедели – Црна Гора има нова влада

Дејан Дејан

Убиство на гостиварско Дебреше – застрелан помлад жител на селото

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе