Државниот завод за ревизија ги објави конечните ревизорски извештаи од извршената ревизија на следење на препораките на политичките партии: СДСМ, ВМРО-ДПМНЕ, ДУИ и Алтернатива.
Утврдено е дека СДСМ, ВМРО-ДПМНЕ и ДУИ не спровеле препораки, а Алтернатива спровела само една.
ДЗР открил дека во ДУИ имало уплати за чланарина во партијата поголеми од дозволениот износ.
„Износот на членарината за период од една година на секој член поединечно, не смее да биде повисок од една просечна исплатена нето плата во државата, потсетуваат ревизорите на пропишаното со Законот за финансирање на партии. Ревизијата констатирала дека и во 2022 година дел од членовите имаат уплатено средства во повисок износ за 250 илјади денари“, се вели во извештајот.
ВМРО-ДПМНЕ не ја спровел препораката за соодветно искажување на имот во Билансот на состојба.
Ревизорите препорачуваат одговорните лица на ВМРО – ДПМНЕ по завршување на постапката поведена пред надлежните органи, да преземат мерки и активности.
Утврдената состојба која се однесува на судската постапка од октомври 2018 година, со која на ВМРО – ДПМНЕ му се забранува дел од недвижниот имот, сопственост на партијата, да
го отуѓува, да го става под хипотека или да го дава под закуп, се до завршување на проценетата вредност, останува непроменета.
Истакнуваме дека во текот на 2022 година донесена е пресуда од страна на надлежниот суд, по која е доставена жалба од страна на политичката партија ВМРО – ДПМНЕ. До денот на известување од извршената ревизија, постапката сеуште не е завршена“, стои во извештајот на ДЗР.
Од СДСМ не ја спровече препораката за донесување на акт за доуредување на начинот на прибирање, уплата и известување за поединечните иноси на средства по основ на членарина.
„Одговорното лице на партијата да преземе активности за донесување на акт за доуредување на начинот на прибирање, уплата и известување за поединечните износи на средства по основ од членарина, заради потврдување дека поединечните износи на членарина се во рамките на законски утврдениот лимит. Воспоставениот начин на прибирање, уплата и известување за приходите по основ на членарина во СДСМ, кој продолжува и понатаму, не обезбедува целосен увид и потврдување во поединечно уплатените средства, по наведениот основ“, стои во извештајот.