По невидениот колапс на електропреносниот систем на Балканот, покрај Црна Гора, Босна и Херцеговина и речиси цела Далмација, дури и делови од Албанија и Грција, немаат струја.
Во Македонија состојбата е стабилна и нема пријави за нефункционирање на мрежата и недостаток на струја.
Околу пладне речиси цела Црна Гора остана без струја. Падот на системот се пренесе и ја блокираше Босна и Херцеговина, а во Хрватска меѓу првите градови кои останаа без напојување на електрична енергија беше Дубровник.
Целото хрватско приморје до Ријека нема струја. Во Црна Гора по 40-минутен „blackout“, сситемот почна да приклучува домаќинства и згради на мрежата за да почне протокот на електрична енергија.
Три главни градови останаа без струја, а во Сараево настана сообраќаен метеж и невидена гужва поради исклучените сообраќајници. Слични проблеми имаше и во Сплит. Подгорица и Тирана исто така беа без напојување на електричнаенергија среде незабележаното жешко време за овој период на јуни.
-Причините за дефектот на системот не се познати, но се претпоставува дека причината е преоптоварување на меѓусебно поврзаните 400 kV далноводи во регионот, нивни прекини, а потоа и пренос на нарушувања во системот на БиХ, извести компанијата „Електропривреда БиХ“.
Струјата пополека се враќа, а деновиве поради жешкото време е зголемена потрошувачката бидејќи масовно се користат апаратите и системите за климатизација.
Сите расположливи екипи се на терен и пополека се враќа напонот на мрежата. Вакво избивање досега се нема случено, а енергетските системи на државите на Балканот се меѓусебно поврзани.
(ВИДЕО) Дали бродови и книги од Тито ја поскапуваат струјата?- ХоризонТелма Еп.20