Европската атлетска федерација објави дека континенталното првенство што неодамна заврши во Рим собори неколку рекорди.
Во првичните резултати од анализата се потенцира дека за шесте дена во италијанската престолнина продуцирани се рекордни 1200 часа програма што се емитувала на 35 програми во Европа.
Во Германија на последниот ден од првенството регистрирани се 6,6 милиони гледачи што е за десет проценти повеќе во однос на шампионатот од пред четири години во Минхен.
Во Италија, националниот сервис ден претходно во еден момент го следеле пет милиони луѓе, а пикот е во терминот кога миленикот на домашната публика Џанмарко Тамбери го освои златото во скок во височина.
Раст на гледаноста од 50 проценти се бележи и кај скандинавските земји, особено во Шведска и тоа на последниот ден кога Арман Дуплантис триумфираше во скок со стап.
Што се однесува до социјалните медиуми регистрирани се 65 милиони следбеници на сите платформи, а веб страницата на првенството во просек имала по 77.000 посети на ден.
ФОТО: Игор Паневски