Арбен Таравари, еден од лидерите на коалицијата „Вреди“ која води преговори со ВМРО-ДПМНЕ за состав на идната влада, очекува конечниот договор да падне за неколку дена.
Вели дека се радува што по 22 години на земјава и се случила комплетна промена на власта. Таравари е сигурен дека овој владин состав ќе ги започне преговорите со Европската Унија, и рече дека него став е откако ќе започната преговорите со Европската Унија да се отвори дебата за нов Устав.
ВМРО-ДПМНЕ, коалицијата „Вреди“ и Движењето ЗНАМ сè уште разговараат за формирање на новата влада, иако поделбата на ресори веќе е објавена, а неофицијално се споменуваат и имиња на новите министри.
Во распределбата на министерските позиции, коалицијата на ВМРО-ДПМНЕ, како победничка на парламентарните избори, добива најмногу – 13 ресори.
На нејзино конто одат клучните места поврзани со безбедноста и надворешната политика.
Според партиски најави, новата влада треба да биде избрана и да стапи на должност до 20 јуни