Исчезна субвенциите за струја. Процентот кој беше испишан во фактурите од април повеќе го нема. Од претходната владина гарнитура тврдеа дека оваа бројка покажува колку државата покрива од трошокот за електрична енергија на домаќинствата. Овие пари со одлука на Влада му се префрлаа на ЕСМ и тоа дирекно од буџетот кој го полнат граѓаните и фирмите, но се нарекуваа субвенции.
Првично во сметките пишуваше дека владината поддршка е 92 отсто, но потоа процентот се намали на 84, за сега целосно да ја снема поддршката.
Па реално би било некорекно на граѓаните да им се кажува дека има субвенција кога цената на ЕСМ е 57 евра, а цените на пазарот има денови кога се и 20 и 30 евра. Едноставно случувањата на пазарот се такви да во најголем дел од изминатите два до три месеци цената е 60 и 70 евра, вели Марко Бислимовски, претседател на Регулаторна комисија за енергетика
Но, се уште домашната струја е поскапа од онаа на берзите. Поради тоа доста мали фирми од регулиран пребегаа на отворен пазар и од таму се снабдуваат.
Според , анализите две тритини од граѓаните се во енергетска сиромаштија. Но, дали ќе има некаков вид поддршка за електрична енергија ќе зависи од политиките на новата Влада.
Примателите на гарантиран минимален приход добиваат субвенција за струја само во зимските месеци, меѓутоа во летните месеци веројатно останува да се ладат во ЈСП автобусите во Скопје или во моловите. Тоа се единствените климатизирани места каде што можат бесплатно да се оладат, Биљана Дуковска, платформа за сиромаштија
Во меѓувреме се крои нова цена на струјата. Овој пат ќе се носи само за потрошената електрична енергија, но не и за мрежарината. Се прават и анализи дали има простор домаќинствата да добијат повеќе од два часа дневна евтина тарифа.
Ирена Чачкова