Според информациите на Телма, Весна Бендевска ќе биде предлог на ЗНАМ за нова министерка за правда откако во преговорите партијата на Максим Димитриевски доби можност да води две министерства (правда и планираното Министерство за администрација).
Бендевска на изборите беше носителка на ЗНАМ во изборната единица 5 и доби доволно гласови со што стана уште еднаш пратеничка во Собранието.
Претходно Весна Бендевска беше пратеник од редовите на СДСМ (во период од 2006-та до 2014-та). После 2017-та беше избрана за член на Комисијата за спречување и борба против дискриминација. Во Комисијата беше и претседател. По заминувањето од таа функција, Бендевска се приклучи на ЗНАМ.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.