Криминалот, корупција и ниските приходи се топ три најголеми проблеми во државата покажува истражувањето на Балканскиот центар за конструктивно политики „Солуција“.Корупцијата со 18% и криминалот со 14,% се клучни проблеми на испитаниците, а повеќе од две третини од граѓаните сметаат дека државата се движи во погрешна насока,
- „Во корупцијата има голема разлика многу луѓе корумпирани со мали износи како што е ова со пасошите што се случува, ако платиш малце повеќе може ќе го решиш проблемот и истото е и во здравство, во образваниe како најподложни за таа ситна корупција големи луѓе со мали“- Александар Кржаловски директор на Македонскиот центар за меѓународна соработка.
И ова истражување покажува дека граѓаните немаат верба во судството. Целосна доверба во судството имаат само три отсто од граѓаните. дури 60% од испитаниците воопшто не веруваат дека „во Македонија законот важи за сите подеднакво“. Катастрофална доверба има и во институциите, а доколку тие не функционираат тука е Господ напомош, па граѓаните најмногу доверба имаат во верските институции.
- „Имаме една перфектна совршена бура што се вели на разочарување коешто најчесто оди во многу непосакувани правци кога немате кредибилна политичка понуда да го артикулира тоа незадоволство и најчесто оди во радикални политички опции кои понатаму ги влошуваат работите и токму тоа очекувам во престојниот период или години да биде перспектива на македонската политичка сцена“- Марко Трошановски, претседател на Институтот за демократија „Социетас цивилис“.
Резултатите покажуваат дека повеќе од половина од анкетираните не веруваат на ниту една политичка партија, а по верските институции, на второ место е довербата во обреазовните институции па во јавното здравство.
Анкетата ја изработи агенцијата М Проспект во периодот од деветти до 21-ви јануари 2024 година на репрезентативен примерок од 1000 граѓани, со маригна на грешка 3,1 % и со ниво на доверба од 95%.
Симона Петровска