Во дербито на Западната конференција во НБА-лигата во кое се соочија првите две екипи на табелата, Минесота на домашен паркет загуби од Оклахома со 97-102. Шаи Гилгеус Александер ги предводеше гостите со 33 поени, а Џејлен Вилијамс имаше 20. Кај Тимбервулфс најдобар беше Ентони Едвардс со 19 поени.
Демијан Лилард со 45 поени и 11 асистенции го предводеше Милвоки до победа од 141-135 на гостувањето кај последнопласираниот Детроит. На Јанис Адетокумпо му недостигаше една асистенција за трипл-дабл па натпреварот го заврши со 31 поени, 10 скока и 9 асистенции.
Филаделфија ја запиша петтата победа по ред откако славеше на гостински паркет кај Шарлот со 97-89. Жоел Ембид постигна 33 поени и само го продолжи тимскиот рекорд со 30 или повеќе поени на 20 натпревари по ред.
НА ОСТАНАТИТЕ НАТПРЕВАРИ
Вашингтон – Сан Антонио 127-131
Атланта – Кливленд 95-116
Њујорк – Торонто 126-100
Чикаго – Мемфис 125-96
Хјустон – Јута 127-126 (продолжение)