Свирепо убиство во скопската населба Ново Лисиче. Ја удирал по главата и вратот, а потоа ја задушил. 28 годишен скопјанец е осомничен дека во семејниот дом на 18ти јануари при вршење семејно насилство со умиска ја убил својата баба, се вели во деталите кои ги изнесе Основното јавно обвинителството Скопје.
„Според првичните сознанија тој ја нападнал бабата удирајќи ја по главата и вратот, а потоа ја задушил“, се вели во соопштението од ОЈО Скопје.
Од таму информираат дека поради постоење опасност осомничениеот да се даде во бегство, да влијае врз сведоците и вештаците или да изврши друго убиство, јавниот обвинител до судијата на претходна постапка од Основниот кривичен суд Скопје поднел предлог за определување мерка притвор.
Судијата, информираат од ОЈО Скопје, го прифатил предлогот и на осомничениот му определил притвор во траење од 30 дена.