Претседателот на Синдикатот на Контролори за летање, Александар Тасевски, преку социјалната мрежа „Фејсбук“ соопшти дека околу 15:30 часот се случил инцидент во М-НАВ предизвикан од неидентификувани лица кои биле пуштени да влезат во објектот од обезбедувањето, а кои вербално но и физички нападнале дел од контролорите бидејќи дале поддршка на протестот и на Синдикатот.
Неофицијално, станува збор за лица од скопски Чаир на кои им бил дозволен влез од во кругот а потоа и во објектот од обзбедувањето кое е приватна фирма.
Телма побара потврда од МВР дека е пријавен инцидент во М-НАВ како што наведе претседателот на Синдикатот тасевски.
Истото обезбедување, денеска на прес конференцијата која ја одржа синдикатот пред зградата на М-НАВ побара од екипата на Телевизија Телма да се идентификува и им ги задржа личните карти до завршување на настанот.
