Европската унија (ЕУ) одобри нов пакет санкции против Русија, што вклучува забрана за увоз на руски дијаманти во ЕУ, се наведува во соопштение од Брисел.
Европските лидери на самитот во Брисел го поздравија усвојувањето на новиот пакет, 12-ти од почетокот на руската инвазија на Украина на 24 февруари 2022 година.
Москва е обвинета дека делумно ја финансирала војната против Украина со профитабилната трговија со дијаманти, што овозможува обрт од околу пет милијарди долари годишно.
Забраната на ЕУ се однесува на увоз на природни и синтетички дијаманти и накит од јануари 2024 година, како и на руски дијаманти сечени во други земји од септември 2024 година.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.