Претседателот Пендаровски вели дека не размислувал да се кандидира за втор мандат на изборите затоа што во овие моменти никој нормален не размислувал за тоа, неговите мисли биле со семејствата на убиените и граѓаните кои му ја дале довербата.
„На прашањето дали размислувам за втор мандат, јас реков дека не размислувам и право да ви кажам не знам кој нормален човек, граѓанин на оваа држава би можел во вакви траорни времиња низ ко поминуваме да размислува за власт, за избори, за мандати… Изборите се догодина закажани за април и за мај имаме доволно време после Нова Година да размислуваме за тие работи“, рече Пендаровски.
Тој истакна дека неговите мисли се насочени само кон семејствата на настраданите и се разбира во рамките на неговата функција да го изработи до крај мандатот во согласност со потребите на граѓаните кои, како што рече „ми ја дадоа честа да ја водам државата 4,5 години“.
Пендаровски нема да се кандидира за нов мандат за претседател