Револтирани сме поради фактот дека ниту Министерството за здравство, ниту пак Министерството за финансии имаат слух за нашите барања: зголемување на платите за 30%, нов колективен договор, бенефициран работен стаж, зголемување на инфективниот додаток од 1 на 4% и трансформација на определено работно време со неопределено. Претставниците на Независниот синдикат на здравствени работници велат дека доколку не бидат исполнети барањата за зголемување на платите ќе ги радикализираат протести со излегување на улица.
Според министерот Меџити до сега биле реализирани неколку средби, но како што вели самиот со репрезентативните синдикати. За поголеми плати нема сега пари.
- Ние со службениот синдикат кои ги познава РСМ секогаш сме во тек и секогаш имаме состаноци, состанокот со нив беше пред два дена и ние настојуваме и јас пред се како лекар и како министер секогаш мислам дека не се доволни овие примања и работиме секојдневно да се подобрат покачувањата, изјави министерот за здравство Фатмир Меџити.
Доколку и овој пат Министерството за здравство и Министерството за финансии немаат слух за нивните барања членовите на Независниот синдикат на здравствени работници велат дека ќе ги радикализираат протестите и ќе излезат пред Влада.
Нина Стефанова
