Од полицијата потврдија за оружениот инцидент во Ист Гејт Мол кој се случи попладнево.
-Денеска (24.10) од трговскиот центар Ист Гејт во Скопје е пријавено дека било пукано кон две лица кои се здобиле со повреди и се пренесени во болница за укажување помош. Полициски екипи се упатени на лице место и се преземаат мерки за расчистување на случајот, ни одговорија од МВР.
Според информации на Телма од полициски извори, цел на нападот бил Раде Трајковски Штекли кој беше исто така цел на сличен напад во август на истата локација, во гаражата на Ист Гејт Мол.
Тогаш беше погоден неговиот блиндиран автомобил, а во денешниот напад тој и неговиот сопатник се повредени.
Раде Трајковски Штекли беше спомнуван за време на истрагата за убиството на младиот Јанушев во скопски Аеродром кога избега во Србија. Подоцна беше екстрадиран, но за 6-месечна затворска казна и не беше опфатен и осомничен со истрагата за убиството.