Судењето за Титаник за изборните нерегуларности продолжи со сослушување на сведоци, но ниту обвинителката, ниту одбраната не го отоври прашањето за застарување на делото „злосторничко здружување“.
Адвокатите ги премолчеле измените затоа што, велат дека кај судот нивниот предлог нема да промени ништо, бидејќи застареност на некое криивчно дело не може да се констатира на среде судење туку само по иницијатива на обивнителството. Затоа, обвинителката Лиле Стефанова пак објасни дека ќе се произнесе во завршниот збор. Тогаш ќе го повлече обвинението за залосторничко, а судот ќе констатира во пресудата. Според Стефанова судењето за Титаник во секој случај треба да продолжи и нема да има дополнителни трошоци затоа што сите обвинети одговараат и за други кривични дела кои се поврзани со изборите и кои не се засегнати со измените на КЗ.
Делото кое застарува, „злосторничко здружување“, за кое максималната казна затвор од десет години, со измените е намалена на до максимум три години затвор, со што ова дело застарува за поранешниот премиер Груевски и поранешниот генерален секретар на Влада, Божиновски.
За ова дело по старите казни осудени се министрите Миле Јанакиески и Гордана Јанкулоска како и поранешниот шеф на кабинет на Груевски, Мартин Протуѓер. За 14-мина обвинети пак, делото застаре во 2020 година, бидејќи беа ставени во групата припрадници на злосторничкото здружување.
Но, на обвинетите се уште им се суди за делата „повреда на избирачкото право“, „повреда на слободата на определување на избирачите“, „поткуп при избори и гласање“, „уништување изборен материјал“ и „злоупотреба на средства за финансирање изборна кампања“.