Итно решение за проблемот со државна матура, бараат од Сојузот на средношколци кои апелираат, Министерството за финансии да ги прифати барањата на вработените во Државниот испитен центар (ДИЦ). Така штрајкот ќе сопре и побрзо ќе се организира државната матура со мало одложување.
Велат дека навремените резултати им се неопходни на сите матуранти, а особено на оние кои сакаат да студираат во странство.
Вработените во ДИЦ нема да се откажат од штрајкот додека не добијат добијат согласност за покачување на платите од Министерството за финансии. Доколку се исполни нивното барања ќе вложат максимум и државната матура да биде што побрзо организирана.
Штрајкот на вработените во Државниот испитен центар поради израмнување на платите со минималната, почна на 24-ти април, речиси месец дена пред првиот испит од матурата кој средношколците треба да го полагаат.
Тамара Марковска