И покрај тоа што денеска Фондот почна да ја исплаќа јануарската плата, утре синдикатот од Клинички Центар ќе има Извршен одбор каде ќе се одлучи за понатамошните чекори.
- Ова датира од пред три години и доцнењето на оваа плата ја прели чашата, вели Д-р Предраг Серафимовски, од Синдикатот на Клинички Центар и додава дека дополнително се чувствуваат изиграно затоа што не се остварило ветувањето од 10% годишно зголемување на нето плата на здравствените работници. Тоа ветување ги одлучи изборите. 25.000 доктори знаете какво влијание имаат врз народот. Со тоа ветување во изминативе три години, требаше да ни се зголемат платите 30%, а ние зедовме едвај 5%. Тоа го ветија во моменти на здравствена криза, ковид пандемијата. Зголемувањето на минималната плата предизвика уште поголем раздор меѓу здравстевните работници, затоа што не се плаќа според степен на образование, со што хигиеничарот „ја скока“ со плата медицинската сестра, вели доктор Серафимовски.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.