Јапонија и Јужна Кореја денеска известија дека Пјонгјанг истрелал најмалку една балистичка ракета кон Источното Море. Ваквата реакција на Ким Џонг Ун доаѓа во пресрет на најавените воени вежби меѓу САД и јужниот сосед.
Јапонското Министерство за одбрана соопшти дека Пјонгјанг извршил „можно лансирање балистичка ракета“, без да даде дополнителни детали.
САД и Јужна Кореја се подготвуваат за симулациски вежби следната недела во Вашингтон и разговараат за мерките што треба да се преземат во случај Пјонгјанг да употреби нуклеарно оружје.
Северна Кореја вчера се закани дека ќе одговори со „невидени“ контрамерки на идните американско-јужнокорејски маневри, сметајќи ги како подготовки за вооружен конфликт.
Јужнокорејскиот претседател Јун Сук Јеол, кој ја презеде функцијата во мај 2022 година со ветување дека ќе заземе цврст став во однос на Пјонгјанг, го зголеми бројот на заеднички воени вежби со САД.