Во најголем дел мирниот и масовен протест на француските синдикати против најавената реформа на пензискиот систем на државата, заврши вечерва со неколку инциденти и тензии во главниот град, Париз.
Помалите судири и солзавецот кој го употреби полицијата се случија на крајот на масовните мирни протестни собири, но драстичните разлики на ставовите на двете страни, синдикатите и претседателот Макрон околу неговиот план за зголемување на старосната граница за пензионирање се продлабочуваат и зголемуваат.
Стотици илјади луѓе излегоа на улиците на голем број француски градови, изразувајќи го бесот и незадоволството од плановите на конзервативниот лидер на државата Емануел Макрон и неговата влада.
Владата соопшти дека мобилизирала повеќе од 11 000 полицајци да ја одржуваат безбедноста во текот на протестите.
Макрон е решен да го спроведе својот план, додека синдикатите и пратениците од левицата најавија жестока борба против неговата намера да го протне законот со кој наместо на 62 години, француските граѓани треба да одат во пензија на 64 години.