Момче загина во францускиот град Монпеље поради судирите меѓу навивачите на Франција и Мароко по полуфиналето на Светското првенство.
Во соопштението објавено од канцеларијата на локалната самоуправа се вели дека момчето вчера било „насилно удрено“ од автомобил.
Тој бил префрлен во болница, но набргу по пристигнувањето починал. Возилото е пронајдено во близина на местото на настанот, а полицијата врши увид.
Претходно Франција го совлада Мароко со 2:0, а авивачите на Франција и на Мароко се судрија и во Париз.
Околу стотина навивачи синоќа беа приведени во Брисел поради нарушување на јавниот ред и мир, оштетување на две полициски возила и поседување забранети огномети.
Мароко стана првата селекција од Африка која стигна до најдобрите четири на Светското првенство, откако ги исфрли Шпанија во осминафиналето и Португалија во четвртфиналето. Ја победија и Белгија во групната фаза.