Тројца се убиени во вооружен напад во кафуле во северниот дел на Рим. Оружениот напад се случил на средба на сопственици на станови во работничката населба Фидене.
Напаѓачот со пиштол ги застрелал жртвите, но присутни на состанокот успеале да го совладаат и да му го земат пиштолот пред пристигнување на полицијата.
-Мажот влезе во објектот и почна да вика „Ќе ве убијам сите“. Потоа веднаш почна да пука. Го совладавме пред да стигнат карабињерите. Напаѓачот ни е познат и порано се закануваше, а беше пријавуван на полицијата за заканите, изјави Лусиана Чиорба, заменик на претседателот на советот на сопственици на станови, за весникот „Ла република“.
Градоначалникот на Рим Роберто Гултиери свика итен безбедносен состанок за понеделник поради како што рече „тешката епизода на насилство што го погоди нашиот град“.
