Британскиот премиер Борис Џонсон разговараше со украинскиот претседател Володимир Зеленски по веста за пожар во нуклеарна централа во Украина, а неговата портпаролка ја опиша ситуацијата како „сериозно загрижувачка“.
Двајцата лидери се согласија дека Русија мора веднаш да го запре нападот на електраната и да дозволи непречен пристап до службите за итни случаи во електраната.
„Премиерот рече дека непромислените постапки на претседателот Путин сега директно може да ја загрозат безбедноста на цела Европа. Тој рече дека Обединетото Кралство ќе направи се што може за да се осигура ситуацијата да не се влоши дополнително.“
Џонсон има намера да побара итен состанок на Советот за безбедност на ОН за неколку часа, а Британија веднаш ќе стапи во контакт со Москва во врска со нападот на електраната, соопшти кабинетот на Џонсон.