Во државава се активни 5377 Ковид случаи, вкупниот број на заразени од почетокот на пандемијата достигна 221 411, а починале 7825. Од новозаразени 127, најмногу има во Скопје 90, по што следува Охрид со девет, Битола и Штип по шест. Засега нема најави за нови рестриктивни мерки меѓу кои и предвремено почнување на зимскиот распуст за учениците поради проценките дека состојбата со ширењето на вирусот е стабилна.
Во државите од регионот продолжуват да се споделуваат нови информации за ширењето на варијантата Омикрон. Во Грција, досега има има вкупно 26 случаи на Омикрон и се очекува зголемување на бројот.
Во Словенија, пак, бројот на новозаразени лица продолжува да опаѓа, а бројот на хоспитализирани исто така се намалува, но Владата не најавува олабавување на мерките за божиќните и новогодишните празници поради сојот Омикрон, од кој се потврдени 20 случаи, а стотина луѓе се во карантин. Организаторите на Светскиот економски форум во Давос објавија дека јануарскиот состанок на Форумот е одложен поради Омикрон варијантата на коронавирусот.
СЗО повика да се одложат сите божикни и новогодишни прослави. Од организацијата потврдија дека омикронот може да ги нападне и оние кои прележале ковид, и вакцинираните. Светот да се обедини и да донесе тешки одлуки потребни за да се стави крај на пандемијата на Ковид-19 следната година, порача Генералниот директор на Светската здравствена организација Тедрос Гебрејесус.