Оспоруваниот тренер на Барселона Роналд Куман заминува од клупата на каталонскиот гигант откако и во Мадрид, неговиот тим загуби од Рајо Ваљекано.
На отказот на Куман кумуваше и кумановецот Столе Димитриевски, голманот на македонската репрезентација и на Рајо. Популарниот Столе одбрани пенал, имаше повеќе фантастични интервенции и не дозволи погодок во мрежата која ја затвори за напаѓачите на Барса.
Навивачи на Барселона кои Куман го сметаат за озлогласен губитник и со недели бараа негова смена, задоволни се што управата реши да го „откачи“ холанѓанецот, а некои од нив дури покренаа иницијатива на стадионот Камп Ноу во Барселона да му се подигне биста на „спасителот“ Столе Димитриевски.
Димитриевски беше неприкосновен „кец“ на македонската репрезентација на Европското првенство летово каде исто така успеа да одбрани пенал.
Рајо Ваљекано ја победи Барселона со 1:0