Живеат покрај езеро а немаат вода. Имаат прекини во снабувадњето со електрична енергија, патиштата се дотраени, нема улично осветлување и сметот не се подига редовно. Водоводот е дотраен, водата нечиста а канализација нема.Со ова се соочуваат жителите на селата и викенд населбите кои гравитираат околу Мавровското езеро.
Од другата страна на езерото е селото Леуново. Ова е изворот од кој се снабдува со вода викенд населбата и хотелот Радика. Проблемите се исти. Вода доволно нема и е бактериолошки неисправна. За празникот Илинден, во викенд населбата немало вода 6 дена.
Ако тоа не е доволно, секаде каде што допира погледот во Маврово, Маврови Анови и Леуново – се гради. Во заштитен појас, во забранет појас, во национален парк. Мештаните и сопствениците на викендици револтирани од индолентниот однос на локалната власт. Имале средба со градоначалникот на која добиле само ветувања. Најавуваат протести и блокади.
ЕСМ која стопанисува со Мавровското Езеро уште во јуни минатата година издало забарана за градење во заштитениот појас кој опфаќа 50 мерти од максималната кота на аскумулацијата но тоа не е пречка во моментов токму во тој појас да се градат петанесетина куќи кои се дел од проект од речиси 90 такви објекти.
Ова е каналот преку кој отпадните води од Радика се влеваат во езерото. Пречистителната станица со месеци стои во дворот од хотелот и чека да биде поставена.
Огнен Чанчаревиќ