Свет Топ вести

Гејтс ќе инвестира две милијарди долари за спречување на климатските промени

Основачот на „Мајкрософт“, Бил Гејтс во следните пет години сака да инвестира вкупно две милијарди долари во проекти и старт-ап компании за спречување на климатските промени.

– Неопходни се иновации за да се спречи климатска катастрофа, рече Гејтс во коментари објавени во денешното издание на германскиот деловен дневен весник „Ханделсблат“.

– Тоа не е невозможно, но би било многу тешко, додаде тој.

Гејтс, исто така, повика на петкратно зголемување на владините инвестиции во истражување на чиста енергија и други иновации во областа на климата на светско ниво во следната деценија.

Претприемачот и филантроп проценува дека ќе бидат потребни истражувања вредни најмалку 110 милијарди долари годишно.

Во својата нова книга „Како да се избегне климатска катастрофа“, Гејтс повика емисиите на јаглерод диоксид (СО2) целосно да се елиминираат до 2050 година во обид да се избегнат огромни еколошки и економски штети.

Гејтс вели дека човештвото треба да ја промени физичката економија со темпо кое досега не е видено. Тој исто така верува дека даноците за СО2, трговијата со сертификати и алтернативните енергии како што се сончевата и ветерот се задолжителни.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Градоначалникот на Чучер Сандево за Телма тврди: состојбата со пожарот во општината е алармантна

Дејан Дејан

Рускиот министер за транспорт пронајден мртов во својот автомобил откако беше разрешен од Путин – се тврди дека извршил самоубиство

Дејан Дејан

Целосно прекинат сообраќајот во двата правци на патниот правец Стенковец – Блаце а затворен и граничниот премин Блаце

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе