Телма дознава дека управувачкиот комитет на денешната седница донел одлука да побара прогласување на кризна состојба во наредните шест месеци.
Предлогот е упатен до владата која за денеска има закажано седница, а доколку биде усвоен предлогот ќе биде испратен на разгледување во Собранието, кое треба да ја донесе одлуката за прогласување кризна состојба.
Од управувачкиот комитет за Телма велат дека одлуката ја донеле заради поефикасно справување со пандемијата и целосна заштита на здравјето на граѓаните.
Првата кризна состојба беше прогласена на 20 ноември и трае до 19 демекмври, а доколку биде усвоено и ова барање кризната сосројба би била продолжена со средината на јуни.
Откако Главниот штаб усвои потреба за продолжување на кризната состојба, тој предлог според процедурите се разгледува на Управувачкиот комитет составен од министри и раководители, по што одлуката се испраќа на влада.
Бидејќи првата 30-дневна кризна состојба ја прогласи владата, законски продолжувањето на кризната состојба е во рацете на Собранието.
Миомир Серафиновиќ