Коронавирусот повторно влезе во штипските конфекции, се формира кластер во голема штипска фабрика во ТИР зоната. Освен работници има заразени и членови на нивните семејства. Кризниот штаб бара од Комисијата за разарни болести конкретен протокол за вршење на внатрешен превоз на патници, бидејќи актуелниов не го опфаќа локалниот и превозот на работници.
Со донесувањето на овој протокол ќе се опфатат сите видови на превоз кои се одвиваат на територијата на Република Северна Македонија, а посебно видовите на превоз кои се одвиваат на локално ниво и не се опфатени со Протоколот за вршење на меѓуградски превоз, а нашите општински инспектори ќе ги засилат контролите, се вели во Заклучокот на ОПШТИНСКИ КРИЗЕН ШТАБ НА ШТИП
Вчера Штип повторно забележа 22 нови позитивни случаи, епидемиолозите, но и Кристина Ампева од „Гласен Текстилец“ бараат во фабриките да се стават во функција Ковид координаторите, бидејќи вирусот се пренесува и на паузите при групирањето на работниците во конфекциите. Во источниот регион најголем број на позитивни случаи има во Кочани, а на штипското Инфективно одделение се зголемува и бројот на хоситализирани пациенти, денеска таму се лекуваат 48, од кои 14 се на повремена кислородна поддршка, а 70 годишен пациент од кочанското село Спанчево почина во болнички услови.
Викторија Димитрова Јованова